Վահանաձև գեղձի հիվանդություններ. nairimed.com

«Նաիրի» ԲԿ-ում մեկ ամսում իրականացնում է վահանաձև գեղձի ավելի քան 300 պացիենտի մոտ հետազոտություն, Էնդոկրին վիրաբույժը կամ վիրաբույժ-ուռուցքաբանը կատարում է ավելի քան 100 վիրահատություն` մեկ տարվա ընթացքում, Էնդոկրինոլոգը` 1000-ից ավելի խորհրդատվություն վահանաձև գեղձի խնդիրների կապակցությամբ՝ մեկ տարվա ընթացքում:

Գանգատներ

• ընդհանուր թուլություն, քնկոտություն,
• քաշի կորուստ կամ ավելացում...##,
• սրտի արտահայտված աշխատանք (հաճախասրտություն),
• մազաթափություն
• նյարդային ֆոնի ակտիվություն, դյուրագրգիռ վիճակ,
• պարանոցի տեսանելի ծավալային փոփոխություն,
• ակնագնդերի արտանկում (էկզոֆտալմ),
• խեղդոցի զգացում,
• ձայնի փոփոխություն և այլն

Ախտորոշում

Վերոհիշյալ գանգատների դեպքում առաջին հերթին պետք է դիմել էնդոկրինոլոգի, ով ուղղորդում է հետազոտությունների.

• վահանաձև գեղձի հորմոնների որոշում,
• վահանաձև գեղձի էքսպերտ սոնոգրաֆիա՝ գեղձի մանրամասն նկարագրությամբ և հետազոտության նկարների տրամադրմամբ,
• հանգույցների հայտնաբերման դեպքում կատարվում է նրանց ուլտրաձայնային դասակարգում (TIRADS):

Սոնոգրաֆիայի արդյունքում հայտնաբերված կասկածելի հանգույցների դեպքում հիվանդն ուղղորդվում է վիրաբույժի մոտ` որոշելու հանգույցների պունկցիոն բիոպսիայի անհրաժեշտությունը:

Պունկցիոն բիոպսիայի նշանակությունը

Վահանաձև գեղձի բարակ ասեղային պունկցիոն բիոպսիան (ԲԱՊԲ) կիրառվում է` պարզելու նույն գեղձում հանգուցավոր գոյացությունների բնույթը:

Բիոպսիան միակ մեթոդն է` նախավիրահատական փուլում պարզելու հանգույցների բարորակ կամ չարորակ լինելը: Այն կատարվում է հատուկ սարքով, բարակ ասեղի օգնությամբ, ուլտրաձայնային սարքի հսկողության ներքո: Նմուշը վերցնում են կասկածելի գոյացություններից և ուղղարկում բջջաբանական հետազոտության, որի արդյունքում պարզվում է գոյացության բնույթը և մշակվում բուժման ռազմավարությունը:

Դեղորայքային բուժում

Վահանաձև գեղձի հիվանդությունների դեղորայքային բուժումն իրականացվում է էնդոկրինոլոգի կողմից:

Ստորև էնդոկրինոլոգի կողմից բուժվող հիվանդությունների հիմնական ցանկն է.

• վահանաձև գեղձի թերֆունկցիա (hիպոթերիոզ),
• վահանաձև գեղձի գերֆունկցիա (թունավոր խպիպ կամ թիրեոտոքսիկոզ),
• վահանաձև գեղձում քրոնիկ աուտոիմուն բորբոքային գործընթաց` աուտոիմուն թիրեոիդիտ (ԱԻԹ),
• վահանաձև գեղձի սուր բորբոքում (ենթասուր թիրեոիդիտ):

Վիրահատական բուժում

Ե ՞րբ դիմել վիրաբույժի.

• պունկցիոն բիոպսիայի արդյունքում հայտնաբերվել է ուռուցքային կամ նախաուռուցքային հանգույց,
• վահանաձև գեղձը գերչափերի է,
• հայտնաբերվել են մեծ չափերի հանգույցներ,
• խեղդոցի սուր զգացում,
• երկարատև դեղորայքային բուժումն անարդյունավետ է:

Ի՞նչ վիրահատություններ են իրականացվում:

Բարորակ խնդիրների դեպքում.

• վահանաձև գեղձի մասնահատում. հեռացվում է վահանաձև գեղձի աջ կամ ձախ բիլթը` կախված գոյացության տեղակայումից,
• վահանաձև գեղձի ամբողջական հեռացում` ամբողջական ախտահարման դեպքում, թե՛ հանգույցների, թե՛ դիֆուզ փոփոխությունների ժամանակ:

Չարորակ նորագոյացություններ.

• վահանաձև գեղձի մասնահատում, որը ցուցված է փոքր չափի ուռուցքների դեպքերում (մինչև 1,5 սմ),
• վահանաձև գեղձի ամբողջական հեռացում, երբ ուռուցքի չափը 1,5 սմ-ից ավելի է կամ առկա է մեկից ավելի ուռուցքային հանգույցներ,
• վահանաձև գեղձի հեռացում` ներառված հարակից ավշային հանգույցները, երբ նախավիրահատական փուլով (պունկցիոն բիոպիսայի միջոցով) հաստատվել է ավշային հանգույցի ուռուցքային ախտահարումը:

Հետվիրահատական շրջան

Հետվիրահատական փուլում, բարորակ խնդիրների դեպքում, հիվանդը շարունակում է հսկվելէնդոկրինոլոգի կողմից:

Ուռուցքային ախտահարումների ժամանակ, վիրահատությունից հետո հսկողությունը շարունակում են էնդոկրինոլոգը և ուռուցքաբանը` համատեղ:

Կախված ուռուցքի չափից և վիրահատության ծավալից, որոշ դեպքերում հիվանդը պետք է անցնի հավելյալ բուժում՝ ռադիոյոդթերապիա:

Ուռուցքների հիմնական տեսակների ժամանակ, հիվանդության կրկնողության հավանականությունը 1-3% է, իհարկե՛, եթե ճշտորեն հետևել ուռուցքաբանի և էնդոկրինոլոգի խորհուրդներին:

Մասնագիտական թիմը ներառում է.

• էնդոկրինոլոգ,
• փորձագետ սոնոգրաֆիստ,
• էնդոկրին վիրաբույժ,
• վիրաբույժ-ուռուցքաբան:

«Նաիրի» ԲԿ տեխնիկական հագեցվածությունը.

• վիրաբուժական ժամանակակից սարքեր,
• ուլտրաձայնային ժամանակակից սարքեր,
• բիոպսիայի գործիքների հավաքածու,
• անհրաժեշտ լաբորատոր սարքեր:

Հարցեր, պատասխաններ, մեկնաբանություններ